சகல ஐஸ்வர்யங்களையும் அருளும் நவராத்திரி 5ஆம் நாள் வழிபாடு!

41

சகல ஐஸ்வர்யங்களையும் அருளும் நவராத்திரி 5ஆம் நாள் வழிபாடு!

நவராத்திரியின் ஐந்தாவது நாளான இன்று நாம் வழிபடவேண்டிய தெய்வம் மகேஸ்வரி. அகில உலகங்களையும் படைத்து ரட்சிக்கும் ஜகன் மாதாவான பராசக்தி, கருணை கொண்டு உயிர்களுக்கெல்லாம் அருட்கடாட்சிக்கும் அற்புதமான காலம்தான் நவராத்திரி.

கபிவாவின் ஷிலாஜித்: உடல் சக்தியை அதிகரிக்கும், இமயமலையில் இருந்து எடுக்கப்படும் இயற்கை ஊட்டச்சத்து! நவராத்திரி ஒன்பது நாட்களும், பராசக்தி, ஒவ்வொரு தேவியின் வடிவில், ஒரு வயது முதல் 10 வயது கன்னிப்பெண் வடிவில் அவதாரம் செய்கிறாள்.

அந்தவகையில் நவராத்திரியின் ஐந்தாவது நாளான இன்று நாம் வழிபடவேண்டிய தெய்வம் மகேஸ்வரி. மகேஸ்வரனின் சக்தி என்பதால் இவள் மகேஸ்வரி என்றும், கந்தனின் அன்னை என்பதால் ஸ்கந்த மாதா என்றும் அழைக்கப்படுகிறாள்.

இன்றைய தினம் கடலை மாவினால் பறவைக் கோலங்களில் ஏதேனும் ஒன்றை போடலாம். அம்பிகைக்கு தயிர் சாதமும், ஏதேனும் ஒரு நவதானியம் கொண்டு சுண்டலும் செய்து அம்பிகைக்கு நைவேத்தியம் செய்ய வேண்டும். நைவேத்தியம் செய்ததை அனைவருக்கும் அம்பிகையின் பிரசாதமாகக் கொடுக்கவேண்டும்.

இன்றைய தினம் ஆறு வயது சிறுமிகளை ஒற்றைப்படை எண்ணிக்கையில் வீட்டுக்கு அழைத்து, அவர்களை ‘சண்டிகா’ என்ற திருப்பெயருடன் வழிபடுவதால் சகல ஐஸ்வர்யங்களும் கிடைப்பதுடன், புத்திர பாக்கியமும் கிடைக்கும் என்பது நம்பிக்கை!