பூஜை செய்யும் போது மணி அடிக்க என்ன காரணம்?

55

பூஜை செய்யும் போது மணி அடிக்க என்ன காரணம்?

துர் தேவதைகளை விரட்ட, வீட்டில் பூஜை செய்யும் போது கண்டிப்பாக மணி அடிக்க வேண்டும். அந்த மணிக்கும் தனியாக பூஜை செய்யப்பட வேண்டும். பொதுவாக பூஜை செய்யும் போது மணி அடித்து பூஜை செய்வது என்பது நாம் அனைவரும் அறிந்த ஒன்று தான். ஆனால், அந்த மணிக்கே நாம் தினமும் பூஜை செய்ய வேண்டும் என்று பூஜா முறைகள் கூறுகின்றன. பூஜை ஆரம்பிக்கும் முன்பு மணி அடித்தால், அதனுடைய சத்தம் கேட்டு வீட்டிலுள்ள துர் சக்திகள் வெளியே ஓடிவிடும். ஏனென்றால்ம் துர் தேவதைகளுக்கு மணி சத்தம் கேட்டால் பயம். அதனால், தான் வீட்டில் பூஜை செய்யும் போது மணி அடித்து துர் தேவைகளை முதலில் விரட்டி விட்டு அதன் பின்னர் தான் பூஜையை ஆரம்பிப்பார்கள்.

ஒவ்வொரு நாளும் வீட்டில் பூஜை செய்யும் போது இப்படிதான் செய்ய வேண்டும். ஏனென்றால், வீட்டில் இருட்டிய பின்பு மீண்டும் துர் தேவதைகள் வீட்டிற்கு வந்து விடலாம். அப்படி இருந்தால் இருக்கட்டுமே என்று நீங்கள் கூறினால், உங்களுடைய வீட்டில் தெய்வங்கள் வராது.

உங்களது வீட்டிற்கு தெய்வங்கள் வர வேண்டும் என்றால், ஒவ்வொரு நாளும் பூஜை செய்யும் போது பூஜை மணி அடித்து துர் சக்திகளை வெளியேற்றிவிட்டு தான் பூஜை செய்ய வேண்டும். அதோடு மட்டுமின்றி தேவர்களையும், தேவ கணத்தினரையும் வீட்டிற்கு அழைக்க தான் பூஜையின் போது மணி அடிக்க வேண்டும் என்று சாஸ்திர சம்பிரதாயங்கள் கூறுகின்றன.

சாமிக்கு பூஜை செய்யும் போது படையல் அல்லது நைவேத்தியம் அல்லது நிவேதனம் படைப்பது வழக்கம். நிவேதனம் என்பதற்கு அறிவித்தல் என்று பெயர். அந்த அறிவிப்பை வெளிப்படுத்துவதற்கு தான் மணி பயன்படுத்தப்படுகிறது.

பூஜை மணியின் அதிதேவதை – வாசுதேவர்.

மணியின் நாக்குக்கு அதிதேவதை – சரஸ்வதி.

அடித்தல் அல்லது ஒலித்தலுக்கு அதிதேவதை – சூரியன்

நாதத்துக்கு அதிபதி – ஈஸ்வரன்

ஆகவே மணிக்கும் பூஜை செய்ய வேண்டும் என்கிறது சாஸ்திரம்.

பூஜை மணியில் நந்தி சிலை இருப்பதற்கு என்ன காரணம்:

வழிபாடு செய்யும் போது துர் சக்திகள் அண்டக்கூடாது என்பதற்கு தான் பூஜை மணி பயன்படுத்துகிறோம். சிவபெருமானுக்குரிய வாகனம் நந்தி பகவான். இவர், தான் கைலாயத்தின் பாதுகாவலராக திகழ்கிறார். ஒவ்வொரு சிவன் கோயில்களிலும் நந்தி பகவானை தரிசனம் செய்துவிட்டு அவரது அனுமதி பெற்ற பிறகு தான் மூலவரான சிவனை தரிசிக்க முடியும்.

சிவபூஜை நடக்கும் இடத்தை நந்தி பகவான் பாதுகாப்பதாக ஐதீகம். ஆதலால், தான் பூஜை மணியில் நந்தி பகவான் இடம் பெற்றிருக்கிறார். இதுவே விஷ்ணு கோயில்களில் பூஜை மணியில் சக்கரத்தாழ்வார் இடம் பெற்றிருப்பார்.

காண்டா மணி பூஜைக்கான மந்திரம்:

ஆகமார்த்தம் து தேவாநாம் கமநார்த்தம் து ரக்ஷஸாம்

காண்டாரவம் கரோம்யத்ய தேவதாஹ் வானலாஞ்ச நம:

எப்போதும் உள்ளத்தில் தூய்மையான உணர்வு வருவதற்கும், தீய எண்ணங்கள் மறையவும், மணியை ஒலிக்கிறே என்பது தான் இந்த மந்திரத்தின் பொருள். தொடர்ந்து மணி ஒலிக்கும் போது தீய சக்திகள் நீங்கும். மேலும், அந்த இடங்கள் முழுவதும் தூய்மையான நல்ல சக்திகள் தான் அதிகரிக்கும் என்பது ஐதீகம்.