ஆரோக்கியமான சிறுதானிய தோசை, கொள்ளு சாம்பார் செய்யலாம் வாங்க!
சிறுதானிய தோசை செய்ய தேவையான பொருட்கள்:
இட்லி அரிசி – 1 கப்
வெள்ளை சோளம் – 1 கப்
கம்பு – 1 கப்
வரகு அரிசி – 1 கப்
உளுந்து பருப்பு – ½ கப்
வெந்தயம் – 1 டீஸ்பூன்
உப்பு – தேவையான அளவு
எண்ணெய் – தேவையான அளவு
செய்முறை:
மேலே கொடுக்கபட்டுள்ளது போன்று, 1கப் வெள்ளை சோளம், 1கப் வரகு அரிசி, 1 கப் கம்பு, 1டீஸ்பூன் வெந்தயம் எடுத்து வைக்கவும். 1/2 கப் உளுந்து பருப்பு, 1 கப் இட்லி அரிசி எடுத்து இவை அனைத்தையும் சேர்த்து கழுவி மூன்று மணி நேரம் ஊற விடவும்.
ஊற விட்டதை கிரைண்டரில் சேர்த்து நைசாக அரைத்து, உப்பு சேர்த்து கலக்கி மூடி வைக்கவும். மறுநாள் மாவு சிறிது புளித்தவுடன் தண்ணீர் சிறிது சேர்த்து கலக்கி விட்டு தோசையாக ஊற்றலாம். தோசைக்கல்லை சூடேற்றி தோசையாக ஊற்றி பொன்னிறமாக இருபுறமும் சுட்டு எடுக்கவும். சுவையான சிறுதானிய தோசை ரெடி. இதற்கு ஏற்றாற்போல் ஆரோக்கியமான கொள்ளு குழம்பு செய்வது எப்படி என்று பார்ப்போம்.
கொள்ளு குழம்பு செய்ய தேவையான பொருட்கள்:
கொள்ளு – 200 கிராம்
நறுக்கிய சின்ன வெங்காயம் -15
நறுக்கிய தக்காளி – 4
நறுக்கிய பச்சைமிளகாய் – 5
நறுக்கிய இஞ்சி – சிறிய துண்டு
பூண்டு – 5 பல்
கடுகு – 1 ஸ்பூன்
மிளகு – 2 ஸ்பூன்
சீரகம் – 2 ஸ்பூன்
காய்ந்தமிளகாய் – 2
மிளகாய்தூள் – 1 ஸ்பூன்
மஞ்சள் தூள் – 1/4 ஸ்பூன்
தனியா தூள் – 1 ஸ்பூன்
புளி – நெல்லிக்காய் அளவு
நல்லெண்ணெய் – 1 குழிக் கரண்டி அளவு
கறிவேப்பிலை – சிறிதளவு
கொத்தமல்லித்தழை – சிறிதளவு
உப்பு – தேவையான அளவு
செய்முறை:
முதலில் கொள்ளை நன்கு சுத்தம் செய்து நன்கு வாசனை வரும்வரை வறுத்து, குக்கரில் 2 டம்ளர் தண்ணீர் விட்டு சிறிதளவு உப்பு சேர்த்து 4 விசில் வரும் வரை வேக வைக்கவும். புளியை 1 டம்ளர் தண்ணீரில் கரைத்து வைத்து கொள்ளவும் பின்பு கடாயில் நல்லெண்ணெய் ஊற்றி கடுகு, மிளகு, சீரகம், வெந்தயம், காய்ந்தமிளகாய் தாளித்து, நறுக்கிய சின்ன வெங்காயம் பச்சைமிளகாய், கறிவேப்பிலை போட்டு பொன்னிறமாக வதக்கவும். பின்பு இஞ்சி பூண்டு சேர்த்து வதக்கி, நறுக்கிய தக்காளியை சேர்த்து நன்கு வதக்கவும்.
பின்பு மஞ்சள்தூள், மிளகாய்த்தூள், தனியாதூள், புளிக்கரைசலை சேர்த்து கொதிக்க விட்டு, பின் அதனுடன் கொள்ளு, தேவையான அளவு உப்பு, சேர்த்து நன்கு கொதிக்க வைத்து கொத்தமல்லி தழை போட்டு இறக்கவும். சுவையான சத்தான கொள்ளு குழம்பு ரெடி . இதை சிறுதானிய தோசை யுடன் சோர்த்து சாப்பிட்டால் மிகவும் ருசியான இருக்கும்.
