உடலுக்கு குளிர்ச்சியளிக்கும் தயிர் நெல்லிக்காய் ரெசிபி செய்வது எப்படி?

149

உடலுக்கு குளிர்ச்சியளிக்கும் தயிர் நெல்லிக்காய் ரெசிபி செய்வது எப்படி?

கோடை காலத்தில் உடலை குளிர்ச்சியாக வைத்திருக்க பல வித பானங்கள் அருந்துவது இயல்பு. அதே நேரத்தில் அடிக்கடி நெல்லிக்காயை உணவில் சேர்த்து கொள்ளலாம். நெல்லிக்காய் நோய் எதிர்ப்பு சக்தியையும் அதிகரிக்கும். வெறுமனே நெல்லிக்காய் சேர்த்துக்கொள்ள சிரமம் இருந்தால் தயிர் நெல்லிக்காய் தயாரித்து சாப்பிடுங்கள்.

தேவையான பொருட்கள்:

முழு நெல்லிக்காய் – 20

கெட்டித் தயிர் – அரை கப்

கடுகு – ஒரு தேக்கரண்டி

மஞ்சள்தூள் – அரை தேக்கரண்டி

பெருங்காயத்தூள் – அரை தேக்கரண்டி

எண்ணெய் – 2 தேக்கரண்டி

கீறிய பச்சை மிளகாய் – 2

உப்பு – தேவையான அளவு

செய்முறை:

கடாயில் எண்ணெய் விட்டு, காய்ந்ததும் கடுகு, பெருங்காயத்தைப் போட்டு வறுத்து, நெல்லிக்காய், மஞ்சள்தூள் போட்டு, சிறிது தண்ணீர் விட்டு வதக்கவும்.விரலால் லேசாக அமுங்கும் பதம் வரும்போது, பச்சை மிளகாய், உப்பு சேர்த்து 2 நிமிடம் வதக்கி இறக்கவும். சிறிது ஆறியதும் தயிர் சேர்த்துப் பரிமாறவும்.