சோளம் சுண்டல் ரெசிபி செய்வது எப்படி?

63

சோளம் சுண்டல் ரெசிபி செய்வது எப்படி?

காய்கறிகளை போல சோளமும் செல்கள் சேதத்தை எதிர்த்து போராடும். அது மட்டுமின்றி இதய நோய், புற்றுநோய் மற்றும் பிற நோய்களில் இருந்தும் பாதுகாக்க கூடியது. கோதுமை, அரிசியை விட சோளத்தில் ஆன்டி-ஆக்ஸிடென்ட் அதிகம். சோளத்தில் கரோடெனாய்டுகள், வைட்டமின்-சி மற்றும் வைட்டமின்-இ உள்ளது. கரோடெனாய்டுகள் இருப்பதால் கண்களுக்கு மிகவும் சிறந்தது. எனவே, சோளத்தை அப்படியே சாப்பிடலாம் அல்லது சுண்டல் செய்து சாப்பிடலாம்.

சோளம் – 2 கப் (உதிர்த்தது)

வெங்காயம் – 1

தேங்காய்த்துருவல் – 1/2 கப்

காய்ந்த மிளகாய் – 3

எலுமிச்சம்பழம் – 2 தேக்கரண்டி

எண்ணெய் – தாளிக்க தேவையான அளவு

கடுகு – 1/2 டீஸ்பூன்

கொத்தமல்லி – சிறிதளவு

கறிவேப்பிலை – 2 கீற்று

உப்பு – தேவைக்கேற்ப

செய்முறை:

சோளத்தை உதிர்த்து உப்பு போட்டு வேக வைத்து கொள்ள வேண்டும் . கொத்தமல்லி, வெங்காயத்தை பொடியாக நறுக்கி கொள்ள வேண்டும்.  அடுப்பில் வாணலியை வைத்து அதில் எண்ணெய் விட்டு காய்ந்ததும் கடுகு, கறிவேப்பிலை, காய்ந்த மிளகாய் சேர்த்து தாளித்த பின்னர் வெங்காயம் சேர்த்து வதக்க வேண்டும்.

வெங்காயம் வதங்கியதும் வேகவைத்த சோளத்தை போட்டு கிண்டி விட வேண்டும். இறக்கும் முன்பு தேங்காய்த் துருவலையும், எலுமிச்சைச் சாறும் சேர்த்து இறக்க வேண்டும். இறுதியாக நமக்கு தேவையான சோளம் சுண்டல் ரெடி.