பேரீச்சம் பழ கேக் செய்வது எப்படி?

90

பேரீச்சம் பழ கேக் செய்வது எப்படி?

பேரீச்சம் பழத்தில் இரும்புசத்து உள்ளது. சில குழந்தைகள் வெறுமனே பேரீச்சம்பழம் கொடுத்தால் சாப்பிட மறுக்கும். அந்த மாதிரி குழந்தைகளுக்கு பேரீச்சம் பழ கேக் தயாரித்து கொடுங்கள். விரும்பி சாப்பிடுவார்கள்.

தேவையான பொருட்கள்:

  1. பேரீச்சம்பழம் – 25 (விதை நீக்கப்பட்டது)
  2. மைதா – 1 கப்
  3. பால் – 3 /4 கப்
  4. சர்க்கரை – 3 /4 கப்
  5. சமையல் சோடா – 1 தேக்கரண்டி
  6. எண்ணெய் – 1 /2 கப்
  7. அக்ரூட், முந்திரி – தேவையான அளவு

செய்முறை:

பேரீச்சம்பழத்தை விதை நீக்கிவிட்டு பாலில் 20 நிமிடங்கள் ஊற வைக்க வேண்டும். பேரீச்சம் பழம் நன்றாக ஊறியதும் அதனுடன் சர்க்கரை சேர்த்து நன்றாக அரைத்துக் கொள்ள வேண்டும். நன்றாக அரைத்த விழுதுடன் எண்ணெய் சேர்த்து நன்றாக கலந்து கொள்ள வேண்டும். மற்றொரு பாத்திரத்தில் மைதா, சமையல் சோடா இரண்டையும் சேர்த்து நன்றாக கலந்து கொள்ள வேண்டும். கலந்த மாவை அரைத்த விழுதுடன் சிறிது சிறிதாக சேர்த்து கட்டி இல்லாமல் நன்றாக கலக்க வேண்டும்.

இறுதியாக அக்ரூட், முந்திரி ஆகியவற்றை சேர்த்து கலந்து கொள்ள வேண்டும். பேக்கிங் பானில் வெண்ணெய் தடவி பின்னர் கலவையை ஊற்றி பரப்ப வேண்டும். மைக்ரோவேவ் ஓவன் 350 தி ல் சூடு பண்ண வேண்டும். பின்னர் பேக்கிங் பானை வைத்து 35 – 40 நிமிடங்களுக்கு பேக் செய்ய வேண்டும். சூப்பரான பேரீச்சம்பழ கேக் தயார்.