மக்ரோனி செய்வது எப்படி?
குழந்தைகளுக்கு மேக்ரோனி (மக்ரோனி) என்றால் ரெம்பவும் பிடிக்கும். குழந்தைகளுக்கு மட்டுமில்லாமல் சிறியவர்கள் முதல் பெரியவர்கள் வரை மிகவும் பிடித்தமான ரெசிபி என்றால் இந்த மேக்ரோனிதான். காரணம், அதன் வழவழப்பு தன்மையும் பார்க்க அழகாக இருப்பதுதம்தான். அதிலும் நம்மூர் ஸ்டைலில் செய்யப்படும் மேக்ரோனி ஒரு தனிச் சுவை பெற்றது. அதை எப்படி செய்வது என்பது குறித்து இந்தப் பதிவில் காண்போம்.
தேவையான பொருடகள்:
- தண்ணீர் – 1 லிட்டர்
- உப்பு – தேவைக்கேற்ப
- மேக்ரோனி – 2 கப்
- வெஜிடபிள் ஆயில் – 2 மேசைக்கரண்டி
- கடுகு – 1 மேசைக்கரண்டி
- கறிவேப்பிலை – தேவையான அளவு
- மீடியம் வடிவ வெங்காயம், நறுக்கியது – 1
- சிறிய வடிவில் பச்சை மிளகாய் (நறுக்கியது) – 1-2
- பீன்ஸ் (சதுர வடிவில் நறுக்கியது மற்றும் வேக வைத்தது ) – 1/4
- சாம்பார் மசாலா தூள் – 1 டேபிள் ஸ்பூன்
- வெஜ் மயோனைஸ் – 5 மேசைக்கரண்டி
தயாரிப்பு முறை:
ஒரு பாத்திரத்தை எடுத்து அதில் தண்ணீர் நிரப்பவும்.மிதமான தீயில் அடுப்பில் வைத்து தண்ணீரை கொதிக்க வைக்க வேண்டும். அதனுடன் 9 கிராம் உப்பு மற்றும் மேக்ரோனி இரண்டையும் சேர்க்கவும். மேக்ரோனி பாக்கெட்டில் கொடுத்துள்ள நேரம் அல்லது 5 நிமிடங்கள் வரை சமைக்க வேண்டும்.
மேக்ரோனி பாத்திரத்தின் அடியில் ஒட்டாத வண்ணம் கிளறிக் கொண்டே இருக்க வேண்டும். ஒரு அகன்ற கரண்டியை எடுத்து 120 மில்லி லிட்டர் பீக்கரில் (கண்ணாடி குடுவை) பாஸ்தாஸ்டோக்கை எடுத்து கொண்டு சமைக்கவும். ஒரு வடிகட்டியை கொண்டு சமைத்த பாஸ்தாவில் உள்ள தண்ணீரை வடிகட்டி கொள்ளவும். இப்பொழுது அடி ஒட்டாத ஒரு கடாயை எடுத்து கொள்ளவும்.
அடி ஒட்டாமல் இருக்க ஸ்பிரே அல்லது எண்ணெய் பயன்படுத்தி கொள்ளலாம். கடாயை அடுப்பில் வைத்து எண்ணெய் ஊற்றி காய்ந்ததும் கடுகு, கறிவேப்பிலை போட்டு தாளிக்கவும். நன்றாக வெடித்ததும் நறுக்கிய வெங்காயம், பச்சை மிளகாய், பீன்ஸ், காலிபிளவர், சாம்பார் மசாலா, கொஞ்சம் உப்பு சேர்க்க வேண்டும். நன்றாக கிளறி ஒரு நிமிடம் வரை காய்கறிகளை வேக வைக்கவும். இப்பொழுது இதனுடன் சமைத்த பாஸ்தாஸ்டோக்கை சேர்க்கவும் மற்றும் நன்றாக கிளறவும்.
பிறகு கடாயை அடுப்பில் இருந்து இறக்கி அதனுடன் மயோனைஸ் சேர்த்து கிளறவும். மறுபடியும் கடாயை அடுப்பில் வைத்து 1 நிமிடம் வரை குறைந்த தீயில் வைத்து கலவை கெட்டியாகும் வரை சமைக்கவும். இதனுடன் சமைத்த மக்ரோனியை சேர்த்து நன்றாக கிளறவும். இப்பொழுது மேக்ரோனிகலவையை ஒரு தட்டில் வைத்து பரிமாறவும். சுவையான நம்மூர் ஸ்டைல் மேக்ரோனிரெசிபி தயார்.
