யாரும் அறிந்திராத சிவபெருமானின் மூன்று மகள்கள் – புராணக் கதைகள்!

116

யாரும் அறிந்திராத சிவபெருமானின் மூன்று மகள்கள் – புராணக் கதைகள்!

சிவனுக்கு விநாயகர், முருகப் பெருமான் மற்றும் ஐயப்பன் ஆகிய 3 மகன்கள் இருப்பது அனைவருக்கும் தெரியும். ஆனால், யாவரும் அறிந்திராத அவரது 3 மகள்கள் பற்றி தான் இந்தப் பதிவில் நாம் பார்க்கப் போகிறோம்.

சிவபெருமானின் மூன்று மகள்கள்:

  1. அசோக சுந்தரி
  2. ஜோதி
  3. வாசுகி

அசோக சுந்தரி:

அசோக சுந்தரி குறித்து பத்ம புராணத்தில், சிவன் – பார்வதி தம்பதிக்கு மகளாக அசோக சுந்தரி வர்ணிக்கப்பட்டுள்ளார். மேலும் அசோக சுந்தரி நகுசன் என்பவரை மணந்து கொண்டதாகவும், அவர்களுக்கு ‘யயாதி’ என்ற குழந்தையும் இருப்பதாக அதில் சொல்லப்பட்டுள்ளது.

தனக்கு ஒரு பெண் குழந்தை இல்லையே என ஏங்கிய உமயவளின் சோகத்தை நீக்க பிறந்த அழகி (சுந்தரி) என்பதால் அசோக சுந்தரி என பெயர் வந்ததாகவும் கூறப்படுகின்றது. அசோக சுந்தரியை காளி தெய்வமாகவும் சொல்லப்படுகின்றது. காளி தேவி (அசோக சுந்தரி) சிவபெருமானின் மகள் என அப்பர் சுவாமிகளும், நம்பியாண்டார் நம்பி பாடிய பாடல்களில் கூறப்பட்டுள்ளது.

அதே சமயம் கேரளாவில் சிவராத்திரியாகக் காளியை காணும் வழக்கம் இன்றும் உண்டு. சிவ பெருமான் விநாயகரின் தலையை கொய்த போது, பயத்தில் அசோக சுந்தரி உப்பு நிறைந்த சாக்கில் ஒழிந்து கொண்டதாகவும், அதனால் அசோக சுந்தரியின் தேகம் திவ்ய உப்பு சுவை கொண்டதாக மாறியதாக கூறப்படுகின்றது.

இவர் குஜராத்தில் பெரிய அளவில் அறியப்பட்டு வணங்கப்படுகிறார். ஆனால் இந்தியாவின் வேறு பகுதிகளில் அவ்வளவாக அறியப்படவில்லை.

ஜோதி:

ஜோதி என்றால் ஒளி. அவரின் பெயராலேயே அறியப்படுகின்றார். ஜோதியின் பிறப்பிற்குப் பின் இரண்டு கதைகள் கூறப்படுகின்றது. முதல் கதையில் ஜோதி சிவபெருமானின் ஒளி வட்டத்திலிருந்து பிறந்தார் என்றும், அவர் சிவனின் உடல் வழிபாடு எனவும் கூறப்படுகிறது. மற்றொரு கதையில் பார்வதி தேவியின் நெற்றியிலிருந்து வெளிப்பட்ட ஜோதியிலிருந்து பிறந்ததாகக் கூறப்படுகிறது.

இந்த ஜோதியை ஜ்வாலாமுகி என்ற பெயரில் தமிழகத்தில் பல கோயில்களில் வழிபாடு செய்யப்பட்டு வருகின்றது.

வாசுகி:

வாசுகி என்பவர் அனைத்து கோயில்களிலும் வணங்கப்படும் பாம்பு தெய்வமாக உள்ளார். இவர் சிவ பெருமானின் மகள், ஆனால் பார்வதி தேவியின் மகள் இல்லை. ஏனெனில் பாம்புகளின் கடவுளாகிய கத்ரு செதுக்கிய சிலையின் மீது சிவ பெருமானின் உயிர் அணுக்கள் விழுந்ததால் வாசுகி பிறந்ததாக கூறப்படுகின்றது. சிவபெருமான் ஆலகால விசத்தைக் குடித்தபோது, அவரை அந்த விஷத்திலிருந்து விடுவித்ததும் இந்த வாசுகி தான். வாசுகிக்கு மானசா என்ற பெயரும் உண்டு.

இவரின் அதீத கோபத்தின் காரணத்தால், சிவ பெருமானால் நிராகரிக்கப்பட்டார். இவர் மேற்கு வங்கத்தில் பாம்பின் வடிவில் வணங்கப்பட்டு வருகின்றார்.

சிவன் என்றால் இன்பம் என்று பொருள். ஆனால் சிவனின் குடும்ப வாகனத்தை பாருங்கள். எல்லாமே ஒன்றுக்கு ஒன்று பகை. பிள்ளையாரின் வாகனம் மூஞ்சூர் (எலி) முருகனின் வாகனம் மயில். இந்த இரண்டு வாகனங்களுக்கும் சிவன் உடலில் இருக்கும் பாம்பு பகை. தேவியின் வாகனம் சிங்கம். சிங்கம் சிவனின் வாகனமான காளைக்கு பகை. ஆனாலும், சிவனின் குடும்பம் இன்பமயமான குடும்பமாக இருக்கு.

அதுக்கு காரணம் இதுதான். பல துன்பத்துக்கு நடுவில், மாறுபட்ட கருத்துக்களை கொண்டிருந்தாலும், மனதில் பகை உணர்ச்சி இருந்தாலும், ஒருவருக்கொருவர் விட்டுக்கொடுத்து வீட்டின் பெரியவர்களுக்கு அடங்கி நடந்தால் நாம் சந்தோஷமாக வாழ முடியும் என்பதை நமக்கு உணர்த்துகிறது சிவன் குடும்பம்.