உலகை காக்கும் அம்மனின் 51 சக்தி பீடங்கள் எப்படி உருவானது? அந்த சக்தி பீடங்கள் எங்குள்ளது என்று தெரியுமா?
பார்வதி தேவியின் சக்தி பீடங்கள் உருவான கதை:
தக்ஷ்ன் மகாராஜா தனது மகளாகிய, பார்வதி தேவியை மட்டும் அவர் ஏற்பாடு செய்திருந்த யாகத்திற்கு அழைத்திருந்தார், ஆனால் அவரின் மருமகனான சிவபெருமானை அழைக்கவில்லை. இதனால் ஆத்திரமடைந்த பார்வதி தேவி கோபத்துடன் அவரின் தந்தை தக்ஷ்னிடம் சண்டையிட்டாள்.
அந்த சண்டையில் தக்ஷ்ன் சிவபெருமானை இழிவுபடுத்தியதால், ஆத்திரமடைந்த பார்வதி தேவி யாக குண்டத்தில் விழுந்தாள். இந்த செய்தியறிந்த சிவபெருமான் கோபத்துடன் வந்து நெருப்பில் இருந்த அவரின் மனைவி யான சக்தியின் உடலை எடுத்து ருத்ர தாண்டவம் ஆடினார். இதனால் அண்ட சராசரமே ஆடியது. தேவர்கள் அனைவரும் பயந்து விஷ்ணுவை நோக்கி மன்றாடினார்கள்.
உடனே விஷ்ணு பகவான் தனது சக்ராயுதத்தை பார்வதி தேவி மீது எறிந்தார். அதனால் சக்தி தேவியின் உடல் துண்டு துண்டாக பூமியின் பல்வேறு இடங்களில் சிதறின. அவ்வாறு சிதறிய பாகங்களே சக்தி பீடங்கள் ஆக உருவானது.
சக்திபீடங்கள் அமைந்துள்ள ஊர்கள்:
காமாட்சி-காஞ்சீபுரம் (காமகோடி பீடம்), தமிழ்நாடு.
மீனாட்சி-மதுரை (மந்திரிணி பீடம்), தமிழ்நாடு.
மூகாம்பிகை-கொல்லூர் (அர்த்தநாரி பீடம்), கர்நாடகா.
விசாலாட்சி-காசி (மணிகர்ணிகா பீடம்), உத்தரபிரதேசம்.
சங்கரி-மகாகாளம் (மகோத்பலா பீடம்), மத்திய பிரதேசம்.
பர்வதவர்த்தினி-ராமேஸ்வரம் (சேது பீடம்), தமிழ்நாடு.
அகிலாண்டேஸ்வரி-திருவானைக்கா (ஞானபீடம்), தமிழ்நாடு.
அபீதகுஜாம்பாள்-திருவண்ணாமலை (அருணை பீடம்), தமிழ்நாடு.
கமலாம்பாள்-திருவாரூர் (கமலை பீடம்), தமிழ்நாடு.
பகவதி-கன்னியாகுமரி (குமரி பீடம்), தமிழ்நாடு.
மகாகாளி-உஜ்ஜையினி (ருத்ராணி பீடம்), ம.பி.
மங்களாம்பிகை-கும்பகோணம் (விஷ்ணு சக்தி பீடம்), தமிழ்நாடு.
வைஷ்ணவி-ஜம்மு (வைஷ்ணவி பீடம்), காஷ்மீர்.
நந்தா தேவி-விந்தியாசலம் (விந்தியா பீடம்), மிர்ஜாப்பூர்.
பிரம்மராம்பாள்-ஸ்ரீ சைலம் (சைல பீடம்), ஆந்திரா.
மார்க்கதாயினி-ருத்ரகோடி (ருத்ரசக்தி பீடம்), இமாசலபிரதேசம்.
ஞானாம்பிகை-காளஹஸ்தி (ஞான பீடம்), ஆந்திரா.
காமாக்யா-கவுகாத்தி (காமகிரி பீடம்) அசாம்.
சம்புநாதேஸ்வரி-ஸ்ரீநகர் (ஜ்வாலாமுகி பீடம்) காஷ்மீர்.
அபிராமி-திருக்கடையூர் (கால பீடம்), தமிழ்நாடு.
பகவதி-கொடுங்கலூர் (மகாசக்தி பீடம்), கேரளா.
மகாலட்சுமி-கோலாப்பூர் (கரவீரபீடம்) மகாராஷ்டிரம்.
ஸ்தாணுபிரியை-குருசேத்திரம் (உபதேசபீடம்) அரியானா.
மகாகாளி-திருவாலங்காடு (காளி பீடம்) தமிழ்நாடு.
பிரதான காளி-கொல்கத்தா-(உத்ர சக்தி பீடம்) மேற்கு வங்காளம்.
பைரவி-பூரி- (பைரவி பீடம்) ஒடிசா.
மாணிக்காம்பாள்-திராட்சவராமா (மாணிக்க பீடம்) ஆந்திரா.
அம்பாஜி-துவாரகை (சக்தி பீடம்) குஜராத்.
பராசக்தி-திருக்குற்றாலம் (பராசக்தி பீடம்), தமிழ்நாடு.
முக்தி நாயகி-அஸ்தினாபுரம் (ஜெயந்தி பீடம்) அரியானா.
லலிதா-ஈங்கோய் மலை (சாயா பீடம்) தமிழ்நாடு.
காயத்ரி- புஷ்கரம் (காயத்ரிபீடம்) ராஜஸ்தான்.
சந்திரபாகா-சோமநாதம் (பிரபாஸா பீடம்) குஜராத்.
உலகநாயகி-பாபநாசம் (விமலை பீடம்), தமிழ்நாடு.
காந்திமதி-திருநெல்வேலி (காந்தி பீடம்), தமிழ்நாடு.
பிரம்மவித்யா-திருவெண்காடு (பிரணவ பீடம்), தமிழ்நாடு.
தர்மசம்வர்த்தினி-திருவையாறு (தர்ம பீடம்), தமிழ்நாடு.
திரிபுரசுந்தரி-திருவொற்றியூர் (இஷீபீடம்), தமிழ்நாடு.
மகிஷமர்த்தினி-தேவிபட்டினம் (வீரசக்தி பீடம்), தமிழ்நாடு.
நாகுலேஸ்வரி-நாகுலம் (உட்டியாணபீடம்), இமாசல பிரதேசம்.
திரிபுர மாலினி- ஜாலந்திரம் (ஜாலந்திர பீடம்), பஞ்சாப்.
திரியம்பக தேவி-திரியம்பகம் (திரிகோணபீடம்), மகாராஷ்டிரம்.
சாமுண்டீஸ்வரி-மைசூர் (சம்பப்பிரத பீடம்), கர்நாடகா.
ஸ்ரீலலிதா-பிரயாகை (பிரயாகை பீடம்) இமாசலப்பிரதேசம்.
நீலாம்பிகை-சிம்லா (சியாமள பீடம்), இமாசலப்பிரதேசம்.
பவானி-துளஜாபுரம் (உத்பலா பீடம்), மகாராஷ்டிரா.
பவானி பசுபதி-காட்மாண்ட் (சக்தி பீடம்) நேபாளம்.
மந்த்ரிணி-கயை (திரிவேணிபீடம்) பீகார்.
பத்ரகர்ணி-கோகர்ணம் (கர்ணபீடம்) கர்நாடகா.
விரஜை ஸ்தம்பேஸ்வரி- ஹஜ்பூர் (விரஜாபீடம்) உ.பி.
தாட்சாயிணி-மானஸரோவர் (தியாகபீடம்) திபெத்.
