துன்பம் நீக்கும் சனி மஹாபிரதோஷம்!

துன்பம் நீக்கும் சனி மஹாபிரதோஷம்!

சனிக்கிழமையில் வரும் பிரதோஷம் சனி மஹா பிரதோஷம் என்று அழைக்கப்படுகிறது. சனிப்பிரதோஷத்தன்று சிவன் கோயிலுக்கு சென்றால் 5 வருடங்கள் சிவனை தரிசனம் செய்த புண்ணியம் கிடைக்கும். தேவர்களை காப்பதற்காக சிவன் ஆலகால விஷத்தை உண்ட நாள் சனிக்கிழமை. ஆதலால், சனிக்கிழமை வரும் பிரதோஷம் சிறப்பு வாய்ந்ததாக கருதப்படுகிறது. இந்த பிரதோஷ நாளன்று ஓம் ஆம் ஹவும் சவும் என்ற மந்திரத்தை சொல்லி வர 7 தலைமுறைகள் செய்த பாவங்கள் யாவும் நீங்கும். சிவனை வழிபட உகந்த நாளாக இந்த சனிப்பிரதோஷ நாள் சிறப்பு வாய்ந்த நாளாக பார்க்கப்படுகிறது.

சனிப்பிரதோஷ நாளில் மாலை 4.30 மணி முதல் 6.00 மணி வரையில் உள்ள பிரதோஷ வேளையில் சிவன் கோயிலுக்கு சிவனுக்குரிய ஓம் நமசிவாய மந்திரத்தை சொல்லி வர தீராத துன்பம் யாவும் தீரும் என்பது ஐதீகம். சனிக்கிழமை வரும் பிரதோஷம் சனி மஹா பிரதோஷம். இந்த நாளில் சிவனை தரிசனம் செய்தால் எல்லையில்ல இன்பம் சேரும். தெரிந்தோ, தெரியாமலோ சிவபெருமானை தரிசனம் செய்து வில்வ இலையால் அர்ச்சித்து விடுபவர்களுக்கு முக்தி கிடைக்கும் என்கிறது சிவபுராணம். ஒவ்வொரு சனி பிரதோஷ நாளன்றும் நாம் முறையாக சிவனை வழிபட என்னென்ன நன்மைகள் கிடைக்கும்?

இந்த சனி பிரதோஷ நாளில் தான தர்மங்கள் செய்யலாம். இன்றைய நாளில் நீங்கள் செய்யும் சிறு தானம் கூட பெருமளவு பலன்களைக் கொடுக்கக் கூடியது. அபிஷேக பொருளை உங்களால் முடிந்த அளவிற்கு வாங்கிக் கொடுத்து புண்ணியத்தை சேர்த்துக் கொள்ள வேண்டும். மேலும் இந்த நாளில் நந்தி பகவானுக்கு சிறப்பான விசேஷ பூஜைகள் நடைபெறும். நந்தி பகவானுக்கு பிரதோஷ காலத்தில் அருகம்புல், வில்வ இலை மாலை சாற்றி, நெய் விளக்கு ஏற்றி, பச்சரிசி மற்றும் வெல்லம் கலந்து நைவேத்தியம் வைத்து வழிபாடு செய்தால் பிரார்த்தனைகள் யாவும் தடையின்றி நடக்கும்.

இந்த நாளில் சோமசூக்த பிரதட்சணம் மேற்கொள்ள வேண்டும். சோமசூக்த பிரதட்சணம் என்பது நந்தி பகவானை வணங்கி பின்னர் சிவனுக்கு அபிஷேகம் செய்த நீரானது வெளியில் செல்லும் கோமுகி தீர்த்தம் இருக்கும் இடம் வரை சென்று வழிபட வேண்டும். பின்னர் மீண்டும் வந்த வழியே திரும்பிச் சென்று சண்டிகேஸ்வரரை வணங்க வேண்டும். பின்னர் திரும்பவும் கோமுகி தீர்த்தம் இருக்கும் இடத்திற்கு சென்று வணங்க வேண்டும். இப்படி சோமசூக்த பிரதட்சணம் மேற்கொள்பவர்களுக்கு கேட்ட வரம் கிடைக்கும் என்பது நம்பிக்கை. இதனை பிரதோஷ பிரதக்ஷணம் என்றும் அழைப்பது உண்டு. இந்த வரிசையில் 20 வகையான பிரதோஷங்கள் இருக்கின்றன.

இந்த சனிப்பிரதோஷ நாளில் அடுத்த பிறவி வேண்டாம் என்று நினைப்பவர்கள் இந்தப் பிறவியில் புண்ணியத்தை சேர்க்கும் வகையில் தான, தர்மங்களை செய்ய வேண்டும். அப்படி செய்வதன் மூலமாக அவர்களுக்கு இரட்டிப்பு பலன் கிடைக்கும். மாலை 4.30 மணி முதல் 6 மணி வரையில் சிவன் கோயிலுக்கு சென்று சிவனை நினைத்து மனதார வழிபட வேண்டும். அப்படி வழிபடுவோருக்கு வேண்டிய வரன் கிடைக்கும்.